Prèmiu literàriu in Cabuderra po contixeddus de animalis

Su Comunu de Cabuderra (agiudau de sa Provìntzia de Casteddu) at donau su bandu de su Prèmiu Literàriu de Cabuderra tziu Boicu Pianu e tziu Firei Lai.

Su concursu est apitzus de sa storiedda a sa manera de is contixeddus de Esopu, aundi is animalis bivint, fueddant e scramentant che a s’òmini. In sa storiedda s’agatat giai sèmpiri su scramentu postu po imparai.

Innoi si podeis ligi su bandu. Nci at de aciungi perou ca su Comunu at deliberau de transiri sa dii de scadèntzia po intregai is traballus a sa 1 de a merii (h. 13) de su 4 de làmpadas chi benit.

Is premiaduras ant a essi su 29 e 30 de làmpadas.

Dexi EJAS po is arreferendus

Is arreferendus de su 6 de maju abàsciant is arrentas de is polìticus e is postus de poderi e de suta-guvernu: est craru chi no siant bius beni de sa “grefa”, chi fait de totu po chi no si scìpiat nudda po no si fai lompi a su QUORUM!
S’ùnica fortza nosta est de passai su fueddu a totu is chi creint tambeni chi sa Sardìnnia nosta EJA chi fait a dda mudai!
Amigus, andai totus a avotai su 6 de maju e ponei 10 EJAS!