Spetàculu teatrali de is atoras sardaresas Carmen Porcu e Stefania Bettini, ispirau liberamenti de su lìburu “Is primus milli fueddus / Sas primas 1000 allegas in sardu”.
Ddas agatais in sa Fiera de Casteddu in sa parada de sa Provìntzia de su Campidanu de Mesu – Pad. G – su 30 de Abrili e su 1° de maju a is 6:00 de a merii…
Spàssiu assegurau po pipius a mannus – no si pagat nudda
Ajò, tocai sceti!
|
COMUNU DE SARDARA ASSESSORAU A SA CULTURA |
SISTEMA BIBLIOTECÁRIU “MONTE LINAS”
|
Biblioteca Comunali de SARDARA
Presentant su lìburu
UN’AINA SPASSIOSA PO IMPARAI IS PRIMUS FUEDDUS DE SA LÍNGUA SARDA
Sàbudu su 14 de Abrili de su 2012 – a is 10.30
Cineteatru “Le Terme”, bia “Cagliari” – Sàrdara
Intervenint
Giuseppe Garau Sìndigu de su Comunu de Sàrdara
Raimondo Pisu Assessori a sa Cultura de su Comunu de Sàrdara
Gianluigi Piano Assessori a s’Istrutzioni Pùblica de sa Provìntzia Campidanu de Mesu
Giampaolo Pisu Consilleri Comunali de Sàrdara, delegau a sa Lìngua Sarda
Antonella Mancosu Cordinadora de su Progetu Sistema Bibliotecàriu
Stèvini Cherchi Autori de su lìburu
INTERMESU TEATRALI cun Stefania Bettini e Carmen Porcu
A incuru de Sa Coperativa AGORA’ SARDEGNA
Su prof. de linguìstica sarda Giovanni Lupinu m’at fatu s’onori de mi cumbidai a s’Universidadi de Tàtari, po una de is tantis manifestadas po is 450 annus de sa fundadura sua. Su lìburu de is 1000 fueddus at a essi presentau, sàbudu chi benit a is 11 de a mangianu, de sa prof. Marinella Lorinczi de s’Universidadi de Casteddu.
Custa sa nova
e custu su manifestu
Locand_Cherchi_marzo_2012 SS
Me is diis passadas eus presentau su lìburu in Sìnnia (in d-un’atòbiu culturali organisau de is Rossomori) e in Macumere (a una trintena de maistas de is scolas primàrias).
In ambaduus atòbius is maistas presentis ant agradèssiu meda su traballu e ant finas pregontau po chi fessint fatas àteras ainas didàticas po s’imparu de su sardu a is pipius.
In Sìnnia s’aministratzioni comunali s’est finas impinniada a cunvocai una spètzia de cumissioni de aministradoris de is comunus lacanantis (po sa parti econòmica), maistas e oberadoris linguìsticus (po sa parti culturali), chi potzant traballai impari po apariciai lìburus didàticus assumancu po is primus duas classis de is elementaris.
Cunsiderendi s’ausèntzia totali de sa Regioni Sarda, saludaus cun grandu prexu una proposta diaici chi benit de is entis de logu chi no bolint biri spèrdia sa lìngua insoru; eus a benni a biri ita nd’at a bessiri…
Cras iaus a depi essi in Otzana a presentai su lìburu, chi sa nii si-ddu permitit!
S’amigu Tonino Bussu nd’at chistionau in Radio Nùgoro Centrale
Labai su manifestu
Torru a scriri apustis de una simana longa de tempus chi apu tentu tropu cosa de fai, po fai pregonàntzia a mei etotu e a su lìburu miu, chi sàbudu a mangianu ddu presentaus in Abas, in sa scola primària.
Labai su manifestu
Labai s’atòbiu chi sa Biblioteca Comunali de Bàini (Villa Verde, OR) at organisau po cenàbara su 25.
Eus a presentai su lìburu miu de “Is primus milli fueddus / Sas primas 1000 allegas in sardu” imprentau de Alfa Editrice.
Chini est “in zona” e est interessau, siat benibeniu!
| Ora |
venerdì 25 novembre · 17.00 – 19.00
|
|---|---|
|
|
|
| Luogo |
VILLA VERDE: Biblioteca Comunale (Ex Scuole Elementari)
|
|
|
|
| Creato da | |
|
|
|
| Maggiori informazioni |
Venerdì 25 Novembre, alle 17,00 presso la Biblioteca Comunale di Villa Verde, ex Scuole Elementari, si svolgerà la presentazione del libro di Stefano Cherchi: Is primus milli fueddus – Sas primas 1000 allegas in sardu. Parteciperanno all’incontro oltre l’autore Antonello Garau che relazionerà sul bilinguismo nell’educazione famigliare, il poeta Dino Maccioni e coordinerà Giuseppe Manias. Durante la presentazione l’artista Desirè Spadafora dalle 15,00 disegnerà con i gessetti un’opera alla lavagna. Per informazioni: Comune(0783939000) Biblioteca (0783939269).
|
Sàbudu presentaus su lìburu miu in Cuartu, in sa scola Porcu-Satta de Bia Turati
Benei e intendei… e comporai!
Po su giassu de s’arretza arrelatau a su lìburu “Is primus milli fueddus / Sas primas 1000 allegas in sardu” chi seu aprontendi, seu circhendi a calincunu de sa zona de su Gocèano (chi bivat in Casteddu o acanta) chi tengat una boxi bella e una pronùntzia lìmpia, po arregistrai is fueddus e is fràsias de su lìburu in cussa bariedadi mesana de logudoresu chi apu imperau in is tàulas (nci at de ligi e arregistrai po una pariga de oras de traballu).
A chini est interessau mi podit cuntatai innoi o in Facebook in su perfilu de
Cenàbura su 1.u de mesi-de-argiolas eus a presentai su lìburu miu in Casteddu
Seis cumbidaus totus a benni
Sàbudu in Mòguru eus a presentai su lìburu
Programa po s´imparu de su fueddàriu de fundòriu de sa Lìngua Sarda, pensau no sceti po is pipius ma finsas po is mannus chi no connoscint su sardu. Est un’arregorta de milli fueddus presentaus me is duas macro-bariedadis de sa Lìngua Sarda, Campidanesu e Logudoresu-Nugoresu, e scritus imperendi is arrègulas de sa normalisadura gràfica. Arricant su lìburu didàticu is tàulas a coloris de Titziana Melis chi portant is pinturas de is fueddus, apostadamenti pensadas po ddas arregordai e imparai: cosas, fainas e sentidus chi s’arreferint a sperièntzias de sa vida moderna de dònnia dii; e scritus curtzus in Lìngua Sarda serbint a imperai verbus, agetivus, avèrbius chi sa pintura no arrennescit sèmpiri a inditai. In prus su lìburu tenit unu fueddarieddu sardu-italianu cun s’inditu de sa pàgina anca est imperau dònnia fueddu. Su lìburu est pensau comenti e ´aina ativa´ de connoscèntzia e pensamentu chi bolit arrelatai is nòminis de is cosas me is duas bariedadis standard cun is nòminis de is cosas in sa bariedadi de su logu fueddada e connota de su pipiu. Po cussu, comenti est scritu in sa presentada, asuta de dònnia cosa pinturada ddoi at su logu anca is piciocus ant a podi ponni su fueddu in sa bariedadi de su logu insoru. Faendi su cunfrontu de is bariedadis biendi-ddas scritas acanta de pari duncas at a benni discansosu s’imparu de is diferèntzias siat intra is bariedadis de logu e sa macro-bariedadi de apartenèntzia, siat intra is duas macro-bariedadis mannas de su sardu.
Stèvini ...su chercu 